دافغانستان دښځو ونډه دهیواد په لمنه کې

دافغانستان دښځو ونډّ دهیواد په لمنه کې

ښځه په یوه لاس زانګو زنګوي               او په بل لاس جهان 

ښخه  هغه نفیس - بادرده - با حوصلې - درنده - زړه سوانده - مینه ناکه - زړه بوږنونکې- بارحمه - دترحم وړ - او بل اخره دمشکلاتو سره همیشه مواجه انسان دۍ چې دنړی په مخ تر هغې نه بل مخلوق نشته ، دتاریخ په اوږدو کې همیشه ټول درانه  او تراژید بارونه دښځې په غاړه وو ، سترکې ېې همیشه داوښکو نه ډکې  وې ا  نسانانو په مختلفو هیوادو کې په مختلفو سترګوښخو ته کتلي دی او تر ننه پورې ښځه  دانسان له پاره په افغانستان کې  دیوه باروړونکي حیوان ، دیوه مزدور- دیوه بیچاره ضعیف بی زوره انسان - یوه اخیستل شوې متاع - یوې ناتوانه انسان - کډې - اولادومور - ښځې - عیال - واړو - کوچ - دوړو مور - خانم - زن- فامیل - په نامو یاده شوې ده او دلومړي وار دپاره دامان الله خان غازي ښځې مخ لوڅ کړو او دمیړه سره ېې خارج ته په سفر ولاړه او دیوې متمدنې افغانې ښځې څیره ېې دنړی خلکو ته وښودلهچې بد بختانه داسلامپالو مرتجعو کړیو له خوانه دکفر حکم ورباندې وشوو ، په افغانستان کې ښځې همیشه دګادۍ داس غونته په چادرۍ کې دکوره دباندې تګ را تګ کړۍ دی،په داسې حال کې چې چادري دهندوستانه د قزلباشواو مزدوروروحانیونو په واسطه افغانستان ته راوړل شوې جامه ده چې دافغانانو تاریخي - دودیز او ملي لباس نه دی

شهید سردار داودخان هم خپله ښځه دلومړي ځل دپاره مخ لوڅې کړه او دافغانستان دښځو له پاره ېې لوی افتخار او برۍ ور په نصیب کړو او دلومړي ځل دپاره دشهید سردار داودخان دخولې نه د ( همسر ) کلمه دخپلې ښځې له پاره استعمال شوې ده                

دسردار محمد داودخان په زمامدارۍ کې ښځو دافغانستان مخصوصا دکابل په شهر کې روی لوچي ساتلې وه او ۸۵٪ شځې روی لوچه وې او نورو ېې ټکري یا چادري اغوستلې ، دمکاتبو - شفاخانو - مخابراتو - بانکو- او ترانسپورت او حتي ملی وسله وال پوځ کې ښځې مخ لوڅ ګرزیدلې او په رشتیا سره چې دیوه مساوي الحقوقه انسان په حیث زموږ په ټولنه کې ځلیدلې وې


دحزب دیموکراتیک خلق افغانستان په زمامدارۍ کې ښځو دهیواد په ټولو عرصو یا برخو کې خاص ځای درلودلو ، دګوند غړیتوب - دسیاسي بیرو غړیتوب - دمرکزي کمیټې غړیتوب - دوزارتونو اداري چارواکې - ریاستونه ، خلاصه هرډول اداري او تخصصی کارونه ېې اجرا کول زموږ دوسله وال پوځ په صفوفو کې دکوماندو - براشوټ - دریورۍ - مخابرې - لوژستیک - صحت عامه او امنیت ملي کې پراخه ونډه اخیستې وه چې هغه وخت دیوه مساوي حق لرونکې ښځې په سترګو ورته کتل کیدل ، زموږ ځوانې نجونې ډ لیسو - تخنیکومو- دارالمعلمینو - پوهنتونواو ابتدایه شونځیو شاګردانې هم مخ لوڅې کرزیدلې او محیط ورباندې شکلۍ معلومیدو، هغه څه چې دښځو دنجات له پاره دحزب دیموکراتیک په وخت کې دافغانستان دخلکو له پاره معمول شول دښځو خرڅول او یا ولور اخیستل منع شول او صرف هغه شرعي اندازه دمهر چې ۳۰۰ درهمه وه دنکاح په وخت کې یادیدله ، وادونه ټول په یوه صالون کې نر او ښځې یو ځای رواج شوي وو، او رقص او اوازونه هم دښځينه وو له خوانه اجرا کیدل ، په تلویزیونو کې هم افغاني هنرمندانې ښځې ډیرې ښې ځلیدلي دي چې دڅو تنو نامونه لکه ( میرمن نغمه جانه - میرمن قمر ګله جانه - میرمن مهوش جانه - میرمن پرستوجانه - میرمن زرسانګه جانه - میرمن وجییه جانه - میرمن افسانه جانه - میرمن هنګامه جانه  - او ډیرې نورې ) ډیرې ښې خلېدلې دي او دافغانستان دخلکو په وادونو - ملي ورځو - کنسرتونو - اومیلو کې ېې دافغانستان فرهنګ او کلتور ژوندۍ ساتلۍ دی چې همیشه همدانن دافغانانو دعوتونه او وادونه او میلې خوشحاله ساتي اوزموږ افتخار بلل کیژي 


دمجاهدینو په زمامدارۍ کې د ډیرو ستونزو او مشکلاتو سره مواجه شولې چې دډیرو فشارو له امله په ډیرو ولایتو کې ځانونه وسوزول- ځانونه ېې مړه کړل - دکورونه وتښولې - دمیړو نه ېې طلاق واخیستو -  کورنیو او خپلوانو ته ېې بدنامۍ او سپکاوۍ ور په نصیب کړو ، چې دا کار دیوه افغان له پاره دمنلو وړ نه دی 
نن زموږ ښځینه په بازارو - کوڅو کې - شهرونوکې - دهلکانو او نارینه وو له خوانه توهین - او په زوره ورسره بدکارونه اجرا کیږي خو له بده مرغه ددولت له خوانه هیڅ یو مثبت اقدام دښځو په طرفدارۍ تر ننه پورې دیوه وزارت یا یوه عدلي ارګان له خوانه نه دی عملي شوی
دمجاهدینو په زماندارۍ کې ښځې دلوټو پیسو سره وزن شوي او خرڅې شوي دي ، او هغه نجونې چې نه ېې غوښتل دمجاهدینو دقوماندانانو یا مشرانو سره چې یوه دوې نورې ښځې ېې هم لرلې واده وکړي دهغوی پلارونه ېې تحدید کړي او یا ېې وژلي دي او په زوره ېې ځانو ته واده کړې دي، چې څو میاشتې ورسته ځوانو نجونو یا ځان وژلۍ اویاېې ځان سوزلۍ دۍ چې دډیرې بې سترۍ سبب ګرزیدلي دي
بله ډیره اجباري مساله چې په ښځو تحمیل شوې ده هغه نن ورځ دوه واري چادري او دسمال په سرکول دي، زه نه پوهیژم چې ملان یامجاهدین د ښځو نه څه غواړي چې ورته د حجاب خبرې کوي ، که چېرې ذات ذولجلال دوی خپله ښځه پیداکړې وای نو هغه وخت به ېې دمیړه زور زیاتۍ - توهین - وهل - ټکول تحمل کول ، افسوس چې افغان نارینه دښځو په عاجزۍ - بیچارګۍ - بی دفاعی - بې ژبۍ - او ټوله ورخ پاخه کړه - جاروب کړه- ومینځه -اتوکړه -مال ته واښه واچوه- مالونه اوبو ته بوزه خشایه سرګین وټپوه - ډوډۍ پخه کړه -تندور واچوه - او بل اخره دشپې لخوانه دمیړه نه وهل وخوره نن افغاني ښځې صرف په څلورو دیوالو پورې مربوطې دی بیرون نه ویني - بازار ته بی له میړه نه تللۍ نه شي - نوکان سره کول - سینګار او ویښتان توني کول - عطر استعمالول - شونډې سره کول دبیچاره کلیوالو ښځو هیڅ نه دي زده او نه ېې په وس کې شته
دطالبانو په وخت کې په ښځو ډیر ظلمونه وشول حتی تیرباران شولې ، په دورو ووهل شولې، سنګسار شولې،ووژل شولېاو بیدون دمیړه نه بیرون ته  دتګ اجازه نه ورکول کیده اما طالبانوخپلې ښځې پټې ارایش ګاوو ته بو ولې او ارایش ېې ورباندې کولو چېدغه خبرې دیوې ارایش خانې دیوې ښځې له خوانه دیوه خارجي تلویزیون سره په یوه مصاحبه کې هغو ښخې ویلې ده، راښۍ نن په غورولایت کې چیرته چې دولتي چارواکي ولاړ دي ښځه په دورو وهل کیژي آو هلته ېې خپلوان او پلار او مور ددې حق نه لري چې ورنه دفاع وکړياوپه کندوز کېهمدارنګه سنګسار کیژي ایا دکرزي حکومت مشروعیت لري او ولې افغانان ددغوناورین مخه نه نیسي او دښخو وظیفه څه شۍ ده ، ښځې څه وخت دخوبه را پاڅیژي  
دښخو ولور نن سبا تر ۱۴ لکو پورې رسیدلای دی او نور د واده مصارف چې ورباندې اضافه کړۍ تر ۲۰ لکو پورې رسیژي
یو کوچنۍ دستمال دحجاب په نامه څه معني لري چې هغه صرف ویښتان نیمايي پټوي، وقتې چې دښځې سترګې تورې او مژکان تورکړي شونډې سرې کړې مخ سرخ سفیده وهلې دپښو نوکان سره کړي او دګوتو نوکان رنګ کړی او نور اضافه ېې ورباندې نصب کړي وي  به لار روانه وي دهر سړي توجه جذبوي ، مخصوصا کله چې دښځې چادري په سروي دهر سړي توجه جذبوي او نارینه همیشه یو څه ورته وايي خو که
چادري ونه لري او دستمال ېې نه وي هغه وخت ښخې ډیرې شکلې معلومیژي او هیڅ کله دخلکو توجه نه ور جذبیژي خکه هرطرف ته لوڅ مخې ښځې لیدل کیژي، دبلې خوانه دجنګ په وخت کې دچادري نه دغلو - وسله والو تروریستانو - قاچاقبرانو - پوره استفاده کړې وه او کوي ېې 
بهترینه لاره دښځو له پاره ددوی له خوانه دکاملې ازادۍ غوښتنه ده او دوی باید په خپله دازادۍ غږ پورته کړي او په لومړي سر کې دجیوال داغوستو نه ( چادري ) نه او په دوهم قدم کې ددستمال نه ځانونه خلاص کړي او همیشه ګلالي - مینځلي - اتوکړي - توني کړي -ارایش کړۍ ویښتان دیوې افغانې با غروره ښخې په شان لکه په تاریځ کې چې زموږ قهرمانو ښځو لکه ( نازو انا - زرغونې ادې - رابعه بلخي -مریم - ناهید ) وغیره په شان چې دجګړې میدان ته دغازیانو سره تللې کارنامې تکرار کړۍ راشۍ وسله وال پوځ ته ځانونه دافسرانو مامورینو په شان شامل کړۍ او ازادي دیموکراسي دښځو له پاره راوړۍ دغه به یو انقلاب وي دښځو په ژوندانه کې بهترین حجاب دافغانانو دښځو له پاره ډول ډول ټکري ( یا پوړني ) دي چې رواج شي زموږ دکوزې پشتونخوا ښځې زموږ تر ښځو لا ډیرې متمدنې دي- دسورېې - فلسطین - مصر - عراق- لبنان - اردن- اندونیزیا - هندوستان - چین - روسې مسلمانانو ښځې هم مسلمانې دي دازبکستان - تاجکستان - ازبکستان - قزاقستان - قرغزستان - اذربايي جان چې مسلمان هیوادونه دي هلته ښځې مخ لوڅې ګرزي  دا زما شخصي نظر دی ستاسې افغاني ښخو خوښه چې څنګه او څه وخت غواړۍدجیواله ځانونه فارغ کړۍ او ازادي تر لاسه کړۍ